A Asemblea Xeral que celebrou onte a Asociación Galega de Editores deu na aprobación dun bo lote de novas iniciativas. Entre as máis destacadas está o anuncio da creación dos premios Ánxel Casal que recoñecerán diferentes traballos editoriais feitos no país. O presidente deste colectivo, Miguel Anxo Fernán-Vello, destacou tamén que Galicia ten moitas posibilidades de ser a vindeira convidada na prestixiosa Feira Internacional do Libro de Guadalaxara. Ademais anunciaron para o vindeiro mes de decembro a celebración do Salón do Libro e da Industria Cultural, que se desenvolverá en Pontevedra e a elaboración dun documental sobre a historia do libro galego.
Máis información en Galicia Hoxe e no novo web da Asociación Galega de Editores
