Os edificios dos fornos e das cabalarías da Real Fábrica de Sargadelos, así coma boa parte do contorno destas instalacións serán restaurados ao longo dos vindeiros dous anos. Esta actuación, dotada con 120.000 euros, é froito do convenio que asinaron recentemente o Concello de Cervo e mais a Consellaría de Cultura, e inscríbense no plan para crear neste antigo terreo industrial o ecomuseo Terras de Azul Cobalto. O edificio dos fornos acollerá un museo sobre a industria mentres nas cabalarías poderá visitarse unha exposición de material agrícola.
Máis información sobre o proxecto no web do Concello de Cervo
