O Congreso Galeusca celebrarase este ano entre o 29 de outubro e o 1 de novembro en Ourense baixo a organización da Asociación de Escritores en Lingua Galega. O encontro anual entre escritores e escritoras vascos, cataláns e galegos terá como tema central a literatura arredor das cidades baixo o epígrafe “A cidade e a palabra”, e nese sentido están previstas as mesas redondas, conferencias e algunhas das actividades que compoñen o programa. A organización de este encontro que chega este ano á súa vixésimo primeira edición vai rotando anualmente entre as tres asociacións de escritores, a AELC (Associació D' Escriptors En Llengua Catalana), a EIE (Euskal Idazleen Elkartea) e a AELG, que conflúen nesta iniciativa.
Máis información no Programa de Galeusca 04
