Ferrín recibe o Trasalba e o escritor Carlos Mosteiro faise co Abril

A primavera transcorre e vanse coñocendo novos premios literarios. A Fundación Otero Pedrayo desvelou onte que o premio Trasalba na súa edición do ano 2001 foi concedido a Xosé Luis Méndez Ferrín en recoñecemento á súa obra e á súa admiración pola figura de Otero Pedrayo. O outro premio destas datas é para un escritor máis novo, Carlos Mosteiro, que se fixo co Premio Abril de literatura para mozos. A súa obra foi seleccionada entre trinta e oito de todo o estado.






Ferrín en Trasalba




Segundo sinalou onte o presidente da Fundación Otero Pedrayo, Agustín Sixto Seco, o premio recaeu en Ferrín "porque o seu importante labor intelectual estivo sempre ó servicio de Galicia". Ademais tívose en conta a "especial devoción" pola obra e os valores de Otero Pedrayo que ten manifestado en diferentes ocasións o escritor premiado. O premio entregraráselle a Ferrín o 24 de xuño no Pazo de Trasalba, sede da Fundación, durante unha festa literaria.













Mosteiro en Abril


O profesor Carlos Mosteiro obtivo coa súa obra "Manual de instruccións para querer a Irene" o premio Abril de Literatura para mozos. A obra foi seleccionada entre trinta e oito obras de todo o estado. O autor recibirá con este premio tres millóns de pesetas, e o seu libro será publicado en aragonés, asturiano, castelán, catalán, galego e basco. O premio está organizado por Editores Asociados, entidade que agrupa editoriais de todo o estado, estando a representación galega a cargo de Galaxia.