A Fundación Otero Pedrayo concedeu ao pintor ourensán e vigués Antón Pulido o Premio Trasalba, en recoñecemento "á súa traxectoria artística, a calidade e personalidade da súa obra como pintor e gravador e o seu vínculo á figura de Ramón Otero Pedrayo". O Premio, que non ten dotación económica, foi entregado o sábado na Casa Grande de Cimadevila, sede da Fundación e berce natal de Otero Pedrayo.
