A Fundación Ramón Otero Pedrayo fixo público o primeiro número da revista electrónica Trasalba. A revista acolle diferentes estudos oterianos, tanto de hemeroteca, rescatando textos de Méndez Ferrín sobre o Ourense de Otero Pedrayo ou unha compilación de reseñas críticas das novelas do polígrafo ourensán en 1934, ata artigos académicos novos. Entre os varios artigos, Pegerto Saavedra fala sobre a obra historiográfica de Otero, Xosé Manuel Salgado a súa narrativa e Ramón Villares sobre o Otero historiador ata a guerra civil. A revista é de libre descarga no web da Fundación.
