Quiosco: Cómaros 2

Está xa na rede a segunda entrega de Cómaros. Revista Interdisciplinar de Pensamento Galego, correspondente ao ano 2017. Otero Pedrayo. Personalidade e paisaxe é o lema da nova entrega desta publicación da Universidade de Vigo, en cuxas páxinas se recuperan varios textos publicados no no libro colectivo Homaxe a Ramón Otero Pedrayo publicado con ocasión da xubilación do intelectual. A colaboración da Editorial Galaxia e da Fundación Otero Pedrayo permitiron publicar textos de Xesús Ferro Couselo, Xosé Luís Franco Grande, Domingo García-Sabell, Ramón Piñeiro e Rof Carballo arredor de distintos aspectos do homenaxeado.