O Goberno Galego decidiu suspender todos os seus actos institucionais en sinal de dó e en solidariedade coas víctimas dos atentados que se produciron esta mañá en Madrid e declarou tres días de loito oficial na comunidade. Esta medida foi apoiada pola práctica totalidade dos partidos galegos e por institucións coma o Consello da Cultura Galega e as Universidades. Do mesmo xeito, concellos, sindicatos e colectivos sociais coma a Plataforma Nunca Máis, o Seminario Galego de Educación para a Paz, as Cámaras de Comercio ou a Coordenadora de Organizacións Non Gobernamentais amosaron a súa repulsa polo masacre e chamaron á cidadanía a participar nas diferentes concentracións e mobilizacións convocadas por este motivo.
Máis información no servicio de noticias de Europa Press dentro do Web da CRTVG
