Suspendidos os actos do premio Xerais na Illa de San Simón en solidariedade co loito polos falecidos do pesqueiro “O Bahía”

A editorial Xerais decidiu suspender o acto festivo de entrega dos seus premios que ía ter lugar na Illa de San Simón e levar a cerimonia de fallo e entrega ao Centro Social Caixanova de Vigo, o mesmo día 12 ás 20:30 horas. A editorial tomou esta decisión como expresión de “solidariedade coa dor e loito de familiares e veciños dos mariñeiros mortos” e así llo comunicou á prensa a través dunha nota. O sábado coñeceranse os gañadores nas distintas modalidades dos premios, das que agora mesmo coñécense os tres finalistas a través dos lemas con que foron presentadas as obras. O sábado, ademais do premio Merlín de Literatura Infantil e Xuvenil e o premio Xerais de Novela tamén se outorgará o Premio Xerais á cooperación no labor editorial.