O Premio Xerais de novela, o Fundación Caixa Galicia de Literatura Xuvenil e o Merlín de Literatura Infantil, todos eles convocados por Edicións Xerais teñen xa finalistas. No caso do Xerais de novela, que chega á súa XXVI edición, presentáronse 45 obras, entre as que o xurado seleccinou finalistas as presentadas cos lemas A soidade dos leóns, Dinara, Limiar da conciencia e O retorno das aves. Á IV Edición do Premio Fundación Caixa Galicia de literatura xuvenil presentáronse 19 obras, entre as que se seleccionaron as presentadas cos lemas Ás de bolboreta, Dragal e Quiromántico. Finalmente, ao XXIV premio Merlín presentáronse 24 obras, das que son finalistas Papude, Secundario e Septempunctata. O fallo darase a coñecer o vindeiro seis de xuño nun acto literario que se celebrará na Illa de San Simón.
