A XXIV edición dos premios Xerais xa ten finalistas. Das vinte e catro obras que se presentaron ao certame, foron preseleccionadas as presentadas baixo os lemas "Fanto Fantini" (co título "Cardume"), "A perspectiva desde a porta", e "A. Dositeo Carnero" (con "Un sábado longo"). Pola súa banda, no II Premio Fundación Caixa Galicia de Literatura Infantil chegaron á final "Da Illa", "Capitán Alberto" (con "Illa soidade") e "Jonathan é un delfín". Finalmente, ao Premio Merlín de Literatura Infantil aspiran "A mala semente" con "Carabranca", "Carbueiro con "Minimaladas" e "Nácara Nácara".
