O Centro de Documentación do Igaem leva anos traballando na promoción editorial. Baixo o seu selo editan, actualizan e difunden en internet o Catálogo de publicacións do Igaem; agora mesmo están a traballar no primeiro Catálogo de Autores Dramáticos Galegos; convoca anualmente o Premio Internacional Barriga Verde de Textos para Teatro de Títeres, a promoción do libro teatral galego a través do Salón do Libro Teatral e a coedición, coa sala Yago, da revista Bululú. E toda esa actividade que dirixe Mar Nogueira acaba de ser premiada cun dos premios "Zapatilla" que concede anualmente a Revista das Artes Escénicas, Artez.
Máis información en La Voz de Galicia e en El Correo Gallego
