Moncho Borrajo. Fonte: Facebook do autor
O cómico e actor ourensán Moncho Borrajo resultou gañador da vixésima sexta edición do premio Fernando Arenas de literatura e ensaio, que promove a libraría coruñesa Arenas. O poemario ilustrado A lúa din que non chora impúxose neste certame, que conta cunha dotación de 850 euros en metálico e a publicación da obra, prevista para o vindeiro mes de maio.
O volume que acompaña os poemas con trinta ilustracións orixinais do autor, está organizado en tres partes, Ventos de soidade, Anacos e A lúa din que non chora e propón un percorrido pola memoria do autor a retratar experiencias, saudades e momentos e sensacións da súa vida. O xurado o premio estivo composto por Javier Ozores Marchesi, Begoña Peñamaría Marcos, José María Paz Gago, Elena Galván Vázquez e Francisco Vázquez Vázquez.
