Interior da Sala Ártika. Fonte: Facebook da sala
O Diario Oficial de Galicia deste 2 de marzo publicaba a resolución das subvencións a salas de artes escénicas de titularidade privada. A convocatoria, que por vez primeira tivo carácter bianual, distribúe 430.000 euros entre os catro espazos beneficiarios, que se repiten de anteriores resolucións.
O orzamento desta xeira duplicou o da convocatoria de 2025 ao se distribuír entre dous anos, e foi para a Sala Ártika, que como máxima beneficiaria obtivo 150.000 euros, o Teatro Ensalle, que levou 149.000, o Teatro del Andamio, que obtivo 76.600 e a Sala Gurugú con 54.300. As posicións do reparto repítense tamén de anteriores resolucións desta axuda.
A Xunta apunta que a opción de facer bianuais estas subvencións "se formula para permitir a cobertura continuada durante dous anos de conceptos como a contratación de espectáculos, servizos técnicos e auxiliares asociados, dereitos de autoría, persoal ou accións de comunicación e publicidade".
