Obra de Luís Hortalá. Foto: CGAC
O artista catalán Lluís Hortalà é o protagonista da nova exposición do CGAC en Santiago de Compostela. "Ante a lei" explora a idea da arquitectura como expresión de poder, pero sobre todo como a capacidade de xulgar. A través de pinturas concibidas como trampantollos, Hortalà recrea arquitecturas solemnes nas que cada detalle, como zócalos, portas, véntas ou chemineas, se representan de xeito realista. "O artista reconstrúe a atmósfera simbólica de espazos arquitectónicos emblemáticos e representativos de momentos históricos cruciais", sinala o folleto de exposición. A exposición está estruturada en capítulos que trazan un "itinerario discursivo". A exposición está comisariada por Santiago Olmo.
A primeira serie, Guillotina (2017-2019) céntrase en elementos ornamentais do pazo de Versalles. A segunda explora a idea dos museos como espazos sagrados, "onde se venera un tipo de arte e se proscribe outro", e representa salas baleiras e portas de grandes museos. No terceiro e derradeiro capítulo abórdase a cuestión da lei a través dos xuízos de Núremberg, representados por dúas ventas da sala 600 na que tiveron lugar os xuízos.
