Foto: Santi Barreiros
O fotógrafo Santiago Barreiros leva desde os anos 70 retratando o mundo ao redor dos rostros das persoas. O venres inaugurouse no Centro Cultural Marcos Valcárcel da Deputación de Ourense a súa retrospectiva "Read me", unha selección de 100 fotografías especialmente centradas no retrato, a súa especialidade, e en branco e negro. A mostra recolle moitas caras coñecidas da cidade de Ourense e en especial da súa cultura e artes, aínda que incorpora tamén imaxes das súas viaxes polo mundo. A mostra está aberta ata o 23 de abril.
