FITUR 2025: unha visión de Galicia

Cada ano, a Feira Internacional de Turismo (FITUR) que se celebra en Madrid é un bo escenario para coñecer as narrativas coas que se presenta Galicia a través dos vídeos institucionais presentados por diferentes entidades de promoción turística. Desta volta, destacan as campañas institucionais da Xunta de Galicia, que continúa coa súa estratexia de relanzamento da marca Galicia Calidade en combinación con Turismo de Galicia, ou o concello de Tui, que se suma á celebración do 800 aniversario da catedral a través dun pequeno documental titulado "Tui, catedral de Historias". A aposta polo eclipse solar deste verán centra a campaña da Deputación da Coruña e o concello de Ferrol presenta un vídeo no que se mesturan os espazos naturais do concello coa creación artística. O concello da Coruña continúa apostando polos valores gastronómicos da cidade e Turismo Rías Baixas aposta polos escenarios da provincia para as diferentes prácticas deportivas. Santiago de Compostela céntrase no turismo de negocios e congresos, atendendo ás peticións de desestacionalización do sector hostaleiro. De seguindo podes ver algúns deses vídeos.