Fitur, a feira de turismo de Madrid, foi o primeiro gran escaparate turístico neste ano Xacobeo. Segundo unha nota de prensa, preto de 60.000 persoas visitaron o espazo que Xunta e diferentes entidades turístiscas de Galicia presentaron en Madrid. Os entroidos de Ourense, turismo de saúde e augas de Galicia xunto co reparto de folletos e produtos gastronómicos conformaron a aposta de divulgación. Ademais, segundo a consellaría de Cultura e Turismo, o portal de internet “creado especificamente por Turgalicia para promocionar a Comunidade galega neste certame turístico, recibiu máis de 95.000 solicitudes de acceso”.
