O goberno dá luz verde ao gran mapa turístico de Galicia

Será un mapa que ordene os recursos turísticos, naturais, patrimoniais e culturais de Galicia. O mapa de destinos turísticos de Galicia, Xeodestinos, estaba contemplado na Lei de turismo de Galicia e non se pon en marcha ata agora, coa aprobación do proxecto no Consello da Xunta logo dun ano de traballo. Xeolocalizar os recursos implica a colaboración de numerosas entidades (Turgalicia, Turespaña, o Instituto de Estudos Turísticos) así como os concellos. Segundo unha nota de prensa remitida pola Xunta, esta forma de organizar os territorios evitará duplicidades entre as ofertas turísticas das institucións.