O mércores comeza en Madrid unha nova edición da feira de turismo, FITUR, o evento turístico máis importante do Estado. E alí, a través de Turgalicia, haberá unha escolma da oferta turística do país. A divulgación de Cabo Fisterra como patrimonio europeo, a presentación do portal que recolle a nova oferta turística de Lugo, degustación de produtos gastronómicos do Grove e a cultura mariñeira de Arousa Norte son algúns dos actos programados para estes días. A actividade pechará o sábado coa actuación da rondalla Añoranzas de Ferrol.
Máis información no web de Fitur, o portal Lugoturismo.com
