Sala do Museo Catedral de Santiago. Fonte: Web da Catedral
As propostas de visita que visita que realiza o Museo Catedral de Santiago conseguiron atraer en 2025 a un total de 446.518 persoas. A cifra supón unha nova marca para este centro, que incrementou nun 4% as cifras acadadas en 2024. O número dá conta do conxunto de modalidades de visita organizadas desde o museo, a incluír as que se realizan ao Pórtico da Gloria, ás cubertas do templo, á Torre da Carraca e á Colexiata de Sar.
Ademais, en 2025 habilitouse a visita, primeiro parcial, e finalmente completa, do Museo Diocesano en San Martiño Pinario. Os percorridos guiados nocturnos son os que tiveron un maior crecemento respecto ao ano anterior, cun 17% máis. Do total de visitas, 13.000 corrresponderon a escolares no marco dos programas educativos do Museo.
