O universo inesgotable de Ramón Otero Pedrayo

Comézase a quentar motores para o Ano Otero Pedrayo declarado polo Parlamento de Galicia. O Consello da Cultura Galega publicou un web recompilando todo o material accesible no web sobre Ramón Otero Pedrayo, orientado aos usuarios que demanden información sobre o polígrafo ourensán durante este ano. O web permite acceder a case vinte publicacións de ou sobre o autor, unha extensa galería fotográfica, roteiros vinculados á súa vida e obra, numerosos recurso sonoros do autor, entre os que se atopan conferencias impartidas polo autor e por outros expertos ao redor da súa figura, ademais do acceso ao acervo documental de epístolas, artigos e á hemeroteca do CCG relacionada con el. Este será o punto de partida das accións que leve a cabo o CCG ao redor de Otero.