A décima xeira do festival Novos Cinemas fechaba as súas portas este 14 de decembro coa entrega dos seus galardóns. O filme Wind Talk To Me, dirixido polo serbio Stefan Djordje impúxose no certame ao obter o Premio Novos Cinemas e mais o do público.
Canda a este galardón, o xurado concedeulle unha Mención Especial a The Crowd, de Sahand Kabiri. Yrupẽ, de Candela Sotos, fíxose á súa vez co Premio Latexos, mentres na sección Ceres, dedicada a escolas de cinema, a produción galardoada foi Cama de lavado de María Lima.
No mesmo apartado, houbo unha mención especial a Todo dicho, de Nel González. Chus Domínguez, con Glass Bottom Ferry, obtivo o Premio da Crítica desta xeira, e Us and the Night, de Audrey Lam, recibiu una Mención Especial.
O xurado novo recoñeceu co seu premio a Sahand Kabiri co Premio á Mellor Dirección por The Crowd, e outorgoulle unha Mención Especial a Daniel Vidal por La anatomía de los caballos.
