O Seixo reivindica a súa olería tradicional

A aldea de O Seixo (O Bolo) era coñecida pola súa olería tradicional e desde hai un tempo están desenvolvendo actividades para recuperar a memoria material desta actividade. Deste xeito, inventariáronse os recursos patrimoniais do concello, realizáronse escavacións nun forno tradicional por parte do colectivo Sputnik Labrego e agora se inaugurou un museo no castelo que inclúe 40 reproducións do tipo de pezas tradicionais da localidade elaboradas por Agustín Vázquez. O museo foi inaugurado o pasado domingo e inclúe tamén materiais arqueolóxicos das intervencións.