O Verbum de Vigo reorienta a súa temática cara a arqueoloxía

O Verbum foi inaugurado no ano 2003 polo concello de Vigo como casa das palabras, cunha orientación temática destinada á lingua e á comunicación. Pero a administración municipal levaba tempo buscando unha reorientación dos contidos. Onte, o alcalde da cidade, Abel Caballero, anunciou durante a inauguración da exposición 'A cerámica castrexa en Galicia' que o Verbum acollerá coleccións arqueolóxicas depositadas no museo de Castrelos. O alcalde fixo referencia aos materiais arqueolóxicos baixo a custodia do museo de Castrelos, e que segundo Atlántico Diario xa están a ser trasladados cara o Verbum desde os almacéns. Adicionalmente, sinalou que se realizarán exposicións vinculadas á cidade.