Vigo adquire a "Barca espacial" de Laxeiro

A xunta de goberno do concello de Vigo adquiriu a obra de Laxeiro "Barca espacial", un cadro de gran formato (139x205 centímetros) que pasará a formar pate da exposición permanente da colección de arte galega da cidade. O lenzo foi pintado por Laxeiro en Bos Aires no ano 1961 e atópase en "moi bo estado de conservación". O custe do cadro foi de 120.000 euros. Para o alcalde de Vigo, Abel Caballero, a obra "é un dos cumes da súa carreira e foi realizada nun momento de plena madurez, estabilidade e prestixio profesional".