Torre do Reloxo da catedral de Santiago. Fonte: Lancastermerrin88 / Wikipedia
A Torre do Reloxo da catedral de Santiago será obxecto dunha rehabilitación integral, tanto interior como exterior. O concello de Santiago concedeu onte licenza ao Arcebispado para unha profunda intervención orzamentada en 1.705.504,96 euros. O proxecto, redactado polos arquitectos Óscar e Iván Andrés Quintela, inclúe a restauración da fábrica pétrea e das súas pinturas, a carpintería, que sostén as campás, e unha profunda intervención no famoso reloxo fabricado por Andrés Antelo a principios do século XIX, restaurando carpinterías da súa caixa e da maquinaria.
