A impermeabilización de terrazas e mais a limpeza da parte norte da Torre do Reloxo da Catedral de Santiago, coñecida como Berenguela, serán as vindeiras accións de mellora no templo compostelán. A Consellaría de Cultura anunciaba onte a concecións de 68.000 euros para abordar uns traballos que comezarán o vineiro mes de abril e está previsto que se desenvolvan ata agosto.
De xeito paralelo, no outro extremo do edificio, o Pórtico da Gloria será de novo accesible logo de catro anos cuberto por andamios. O vindeiro 15 de marzo comezarán as visitas guiadas que lles permitirán aos visitantes observar de preto este conxunto escultórico aproveitando a propia estrutura que se está a empregar na súa rehabilitación. As visitas faranse en grupos de pequeno tamaño e terán un aforo limitado.
