Unha festa de inauguración na Sala Capitol, con convite, serve de pórtico este dÃa 8 ao programa. A organización presenta o evento como un grande encontro do sector escénico e, en particular, do ámbito dos monicreques, con diferentes actuacións e sorpresas. Os actos de aniversario continuarán o dÃa 13 cunha mesa redonda na que diferentes artistas que pasaron polo festival explicarán a súa vinculación co mesmo.
A formación colombiana El Guiñol del Guiñol abrirá as estreas o dÃa 11 con El último árbol. Canda a estas, outras propostas inéditas internacionais son as de FioD'Azeite (Portugal), con O rei vai nú, a dos chilenos TÃteres Candelilla coa peza Kuiyen,sueño mapuche o martes 14 ou Zaches Teatro (Italia), dá a coñecer a súa Cenicienta. Canda a elas, tamén Panta Rhei presentará Krim, pequeño lobo ou o catalán Fil de Guá, que amosa Emproianova. En canto ás estreas de compañÃas galegas, Mircromina Teatro levará por primeira vez a escena Pasmo de Pedra, Nauta estrea Ephimeros e Kalina Teatro presenta Limonardos.
Dentro das propostas desde ano atópase un obradoiro de xigantes e cabezudos que se desenvolverá no Centro Sociocultural de Amio, onde quedarán para uso de veciños as pezas resultantes. A intención do festival é continuar o traballo nesta liña para dotar os diferentes barrios da cidade dos seus respectivos cabezudos.
O festival outorgoulle o seu galardón deste ano a Ekarni Genua, fundadora do grupo Txotxongillo Taldea, pioneiro dos tÃteres en euskera. Genua foi tamén unha das promotoras do Museo e Centro Internacional da Marioneta TOPIC de Tolosa e escribiu máis de 40 obras e publicacións en diferentes ámbitos.
