Janet Novás
A artista galega Janet Novás (Porriño), canda o onubense Guillermo Weickert foron galardoados este xoves cos Premios Nacionais de Danza, dotados cada un con 30.000 euros. Novás ganou o galardón na modalidade de interpretación, e o xurado recoñeceu "a excelencia técnica e o gran magnetismo dos seus traballos". Novás é unha artista de importante traxectoria, traballando na compañía de Daniel Abreu e en Provisional Danza. No ano 2024 ganou o Goya á mellor actriz revelación polo seu papel en O corno, o filme de Jaione Camborda. Novás está traballando agora nunha xira coa obra Mercedes e máis eu en colaboración coa compositora Mercedes Peón.
