Janet Novás sitúa 'O Corno' no palmarés dos Premios Goya

Dous dos premios Goya da cinematografía española outorgados este ano ocuparan espazo en andeis galegos. Cumpríronse as predicións respecto ao recoñecemento ao traballo de Janet Novás en 'O Corno' e a intérprete recolleu o Goya a actriz revelación polo seu debut cinematográfico e como protagonista no filme dirixido por Jaione Camborda. Novás (O Porriño, 1942) ten xa unha dilatada traxectoria como bailarina e coreógrafa non exenta de galardóns de alcance nacional. A súa participación como actriz con papel protagonista neste filme supuxo o seu debut cinematográfico e recibiu en todas partes moi boas críticas. A súa presenza continua na narración deita nela unha importante responsabilidade no éxito da película, o primeiro filme rodado en galego que acadou a Cuncha de Ouro do festival internacional de Cine de San Sebastián. Polo seu papel a actriz é finalista tamén na vindeira edición dos Premios Mestre Mateo do audiovisual de Galicia.

A produtora Chelo Loureiro (Ferrol, 1958) subiu ao escenario dos Goya a recoller un premio por terceiro ano consecutivo, sumando xa catro no seu traballo co cine de animación, tres como produtora e un como directora. Neste caso foi grazas a 'To bird or noto to bird', escrita e dirixida polo director coruñés Martín Romero. O filme acadou o premio a Mellor Curtametraxe de Animación de este ano nos Premios Goya. O que é primeiro galardón para Romero como director, é o terceiro para Loureiro como produtora, a través da súa empresa Abano Producións xa é unha referencia na animación en España e internacional. Así o demostran anteriores traballos galardoados do realizador Alberto Vázquez como 'Decorado' (Goya a mellor curtametraxe de animación 2017) e 'Unicorn Wars' (Goya a Mellor Longametraxe de animación 2023) engadiron galardóns ao seu percorrido na produción, aos que hai que sumar o acadado como directora por 'Valentina' (Goya a Mellor Longametraxe de animación 2022).