A Consellería de Cultura organiza as I Xornadas pedagóxicas de arqueoloxía lucense, co obxectivo de "achegar á cidadanía os coñecementos obtidos durante as últimas intervencións promovidas pola Consellería nalgúns dos xacementos máis singulares da provincia". O evento celebrarse o sábado 4 de outubro no salón de actos da Delegación Territorial da Xunta en horario de mañá e tarde, comezando ás 09.30. A xornada comezará co catedrático Ramón Fábregas ao redor das ocupacións humanas na provincia, seguido da profesora María Pilar Prieto falará do Corro dos Mouros de Adai (Lugo), Benito Vilas e Xosé Gago do xacemento de Penas do Castelo (A Pobra do Brollón), Emilio Ramil sobre o castro de Saa (A Pastoriza), Yolanda Álvarez e Luis F. López sobre o castro do Teso da Ermida (Navia de Suarna), Brais Currás sobre o monte Cido e o ciclo rematará con Francisco Alonso Toucido ao redor do xacemento romano de Proendos (Sober) e Xurxo Ayán e Sonia García sobre o sitio medieval do Preguntoiro, en Pantón.
