Sete concertos e visitas guiadas compoñen o programa do novo Espazos Sonoros

Co lema 'Escoitar con asombro, alento da memoria' o festival Espazos Sonoros inicia este 31 de agosto a súa nova edición. O Convento de Santo Antonio de Herbón, en Padrón, acollerá nesa data unha actuación dos suízos Il Concerto Intempestivo, a interpretar A consagración da primavera. Baroque Edition. A esta proposta seguiranlle outros seis recitais ademais de visitas guiadas en diferentes espazos naturais e patrimoniais ata o vindeiro 4 de outubro.

Deste xeito, o mesmo día 31 desenvolverase unha visita ao conxunto conventual e á igrexa románica de Santa María, mentres o domingo 7 de setembro a actividade trasládase ao conxunto parroquial de Santa María de Bares, en Mañón, onde Voz Stellae interpretará Palestrina. Princeps Musicae e se realizará unha visita ao faro de Estaca de Bares.

Alexia Chrysomalli & Óscar Antolí protagonizan, o día 13, o concerto Thalassa no Espazo Museístico da Carpintaría de Ribeira Estaleiro do Ciprián en Outes. A visita correspondente desenvolverase na 'Ruta dos carpinteiros cos pés mollados' que parte deste local e percorre a costa polo esteiro do río Broña.

A actuación de Per-Sonat sobre cantos medievais das peregrinas, no Santuario da Virxe do Camiño de Muros, acompañarase dun roteiro pola vila o día 20, mentres o 27 Paulina Ceremużyńska e Manuel Vilas levarán a súa música á igrexa de Santo Antoíño de Toques, que tamén se poderá visitar.

Para o 28 se setembro será a quenda do Suelen Estar Quartet no Centro Etnográfico do Río Mandeo, en Curtis, que se complementará cun paseo sonoro polo río Carregal. O Teatro da Beneficencia de Ortigueira fechará o programa o día 4 de octubre, cun concerto de Rosana Orsini & ensemble freymut.