Abre unha nova xeira de visitas á Illa de San Simón

Xa se poden facer reservas para visitar a Illa de San Simón, na Ría de Vigo, esta primavera. A partir do 2 de maio iníciase unha nova xeira do programa de visitas guiadas a este espazo nas fins de semana dese mes e de xuño. Cada día haberá tres ou catro viaxes con saídas desde os peiraos de Cesantes, en Redondela e de San Adrián de Cobres, en Vilaboa. Ademais, existe a posibilidade de asistir a varios dos concertos incluídos no ciclo Espazos Sonoros, con actuacións coma a de Emilio Cao, a Orquestra Omega ou Escoitar Danza, entre outros.