Patricia Torrado Queiruga. Fonte: AELG. Autoría: Distrito Xermar (2022)
A sonense Patricia Torrado Queiruga foi seleccionada este 22 de agosto como gañadora do LI Premio de Poesía do Concello de Vilalba. O xurado outorgoulle á súa obra Nakba este galardón, que conta cunha dotación de 7.000 euros en metálico e inclúe a publicación da obra.
A autora gañadora conta no seu haber con outros premios literarios do país como o Certame de poesía Torre de Caldaloba, o Certame de Caligramas Constanza de Castro, o Concurso de Poesía Albariza de Artes-Concello de Ribeira ou Certame Manuel Murguía de narracións breves.
O xurado estivo composto por Darío Villanueva, Ramón Villares, Xulio Xiz, Fidel Fernán, Luz Airado e Andrea Fernández Maneiro, poeta e gañadora da edición anterior.
