A Coruña construirá un centro de interpretación do castro de Elviña

O concello da Coruña levará hoxe a pleno a creación dun centro de interpretación do castro de Elviña por un orzamento de 330.000 euros, segundo avanza La Voz de Galicia. Trátase dun equipamento "de pequena escala e carácter desmontable" que ten por obxectivo dar soporte a benvida ao castro, servir como espazo para actividades didácticas e dar servizo ás campañas arqueolóxicas que se levan a cabo no castro e que carecen dunha infraestrutura deste tipo. O edificio xa está acordado coa Dirección Xeral de Patrimonio e outras entidades, e se complementará cun novo peche perimetral do castro por un importe de 350.000 euros para "reforzar a protección física do xacemento".