Croa, o boletín do Museo do Castro de Viladonga xa ten un novo número, o 31. Nesta nova entrega, o boletín avanza os resultados de intervencións arqueolóxicas destacadas, como a realizada no propio castro de Viladonga en 2019 e que devolveu resultados moi interesantes, como un dos poucos machados votivos localizados en contexto arqueolóxico en Galicia, sobre o chamativo xacemento de Proendos (Sober), no que foi localizado un hórreo de grandes dimensións ou unha revisión sobre os niveis "prerromanos" do propio Castro de Viladonga a partir da análise de materiais e outro tipo de documentación, que asentan a cronoloxía de finais da Idade do Ferro no castro, fronte a unha interpretación tradicional máis ligada a época romana. A revista pódese consultar de balde no web do Museo.
