A importancia arqueolóxica e o interese histórico do Castro de Viladonga púxose de relevo a raíz das escavacións iniciadas en 1971, tanto pola monumentalidade e diversidade das estructuras descubertas como pola cantidade e calidade dos materiais aparecidos, todo o cal deu lugar a que en 1983 se crease nel un Museo destinado a conservar e expoñer estes achados no seu propio contexto.
Tanto no Castro coma no Museo hai que salientar dous aspectos: por un lado, o carácter de documento histórico e científico que teñen as estructuras do xacemento e os obxectos achados nel, correspondentes á época castrexa e galaico-romana. Polo outro, destaca o seu importante valor engadido, patrimonial e cultural, dirixido a toda a sociedade para a súa educación, formación e lecer.
Esta icona do infográfico vale para volver ao menú de fotografías
Localización
27259- Castro de Rei (Lugo)
Tel: 982 314255
Fax: 982 314194
museo.viladonga@xunta.es
Horario
Aberto todos os días (agás 24, 25 e 31 decembro, 1 e 6 xaneiro).
De marzo a xuño, e setembro-outubro: de 10 a 20 h.
De novembro a febreiro: de 10 a 19 h.
Xullo e agosto: 10 a 21 h.
