O camiño orixinal, a muralla que rodeaba o asentamento, restos de cerámica, vidro e bronce, sementes de cereais calcinadas e ata restos de vivendas son os últimos achados que se realizaron no castro de Viladonga, en Castro de Rei. Estas descubertas realizáronse durante a décimo sétima campaña de escavacións deste lugar, un dos castros máis estudiados do país. Segundo Felipe Arias, director do museo do castro, logo desta campaña queda pouco para rematar o traballo de escavación, pero aínda haberá que analizar as pezas aparecidas para coñecer polo miúdo a súa importancia.
Máis información no web da Asociación de Amigos do Museo do Castro de Viladonga e na edición de hoxe de El Progreso
