Presentación aos medios da recreación castrexa
Tres vivendas reconstruídas permitirán aos visitantes do Castro de Vigo facerse unha idea do tipo de hábitat dos homes e mulleres da Idade do Ferro e romanización. Trátase dunha musealización que levou 8 meses de traballo e un millón de euros de investimento, e consiste na recreación das vivendas, o seu peche perimetral, a instalación de sinaléctica e de cámaras de seguridade. O novo recinto museográfico será xestionado polo Museo Quiñones de León e como parte da vertebración do Plan Museístico da cidade.
Horarios
En inverno estará aberto de 10 a 14 e de 16 a 18 horas e en verán de 10 a 13 e de 17 a 20 horas. A visita poderá ser libre ou guiada polo persoal que atende o xacemento. A visita guiada para grupos pódese concertar chamando ao teléfono 986 295 070, de luns a venres de 9 a 14 horas.
