Patrimonio rehabilita o castro de Viladonga

A Dirección Xeral de Patrimonio destinou 200.000 euros á restauración do castro de Viladonga, onde deben ser consolidadas estruturas de varias áreas do xacemento, entre elas a casa grande cun hipotético uso comunitario, e partes da muralla afectadas polos temporais. Felipe Arias, director do castro, lembrou que o traballo de consolidación é prioritario nestes momentos no xacemento. O plan de consolidación consta de dúas campañas de dous meses de duración cada una, e durará dous anos.