Ao igual que lle aconteceu no castro de Baroña, a empresa Terra Arqueos atopou outra escada de acceso ao adarve da muralla na zona norte da croa do castro de Viladonga, onde estaba a efectuar tarefas de consolidación e restauración do sitio arqueolóxico. Durante esta intervención, houbo un cambio de criterio no remate das vivendas do castro. Ata o momento estaban feitos os remates en lousa e con herba, e no novo criterio volven a ser de pedra. A superficie na que se traballa este ano é de mil metros cadrados.
