Varios castros reciben excavacións e consolidacións

Tres sitios emblemáticos da cultura castrexa están a ser obxecto de intervencións destinadas á recuperación e investigacion. En concreto, a cidade de San Cibrán de Lás, onde se radica o Parque Arqueolóxico da Cultura Castrexa, está a escavar un novo barrio. As escavacións, que comezaron a semana pasada, están a desvelar xa un conxunto de vivendas. Mentres, no castro de Sáa, na Pastoriza (Lugo) a intervención arqueolóxica na croa está a desvelar un poboado castrexo dunha cronoloxía, alomenos na súa etapa final, de entorno ao cambio de era. E o castro de Viladonga, xa escavado na súa croa, está a ser obxecto dunha campaña de recuperación e consolidación.