A Xunta pon en marcha o plan para a protección e difusión do castro de Baroña

O venres 22 de xullo a Xunta publicou no Diario Oficial de Galicia o concurso para a protección e difusión do castro de Baroña. Serán 120.000 euros divididos en dúas anualidades, co cal se entende que o castro deberá estar consolidado e coa sinalética informativa en 2012. Para iso, o equipo deberá ronzar e limpar, actuar sobre zonas degradas, escavar o que se considere preciso, realizar unha exhaustiva documentación visual do sitio arqueolóxico e instalar os elementos de sinalética e divulgación precisos para que os visitantes poidan explorar o castro de Baroña con todos os elementos.