320.000 euros para poñer en valor o castro de Montalegre

A Xunta publicou hoxe a licitación, por 320.000 euros, da posta en valor do castro de Montalegre, en Moaña, un xacemento arqueolóxico afectado polas obras do corredor do Morrazo en dúas excavacións e que xa foi obxecto de investigación científica nos anos 20 por Antón Losada Diéguez. Será precisamente de aquelas estruturas sobre as que se realizará unha nova intervención científica. As obras contemplan a limpeza, re-excavación arqueolóxica, consolidación e restauración de estruturas, así como a adecuación do acceso ao xacemento.