A Cidade da Cultura abre a súa experiencia virtual ao redor da figura de Castelao

Onte abriu as súas portas no Museo Gaiás da Cidade da Cultura a instalación de arte dixital 'Castelao. Mirar por Galicia', unha produción dixital que combina a recreación tridimensional da figura de Castelao coa presenza audiovisual e física do seu universo biográfico, cultural e artístico. A instalación incorpora proxeccións de videomapping, a recreación da voz de Castelao falando en lingua galega a partir da gravación preservada no Arquivo Sonoro de Galicia do Consello da Cultura Galega, ou empregando ferramentas de intelixencia artificial para animar as fotografías. O proxecto foi dirixido por Carlos Seijo, de Máxima Estudio. A instalación estará aberta ata o 11 de xaneiro de 2026.