Jean Shrimpton fotografada por David Bayley. Fonte: Fundación MOP
Este sábado 28 de xuño abre as súas portas a nova proposta da Fundación Marta Ortega Pérez (MOP) na Coruña. David Bailey's Changing Fashion é o título da exposición, que supón a primeira retrospectiva a nivel estatal deste prestixioso fotógrafo de moda. A mostra permanecerá aberta ata o vindeiro 14 de setembro no Peirao de Batería.
Segundo sinala a presentación do proxecto, Bailey "asaltou o mundo da moda cambiando o ambiente artificioso do estudio pola crúa realidade das rúas" e tivo un impacto decisivo na fotografía durante os anos 60 e 70. Series coma Box of pin-ups que se pode ser nesta mostra, ou os retratos de Beatles e Rolling Stones fan parte dun legado no que destaca tamén o seu papel como fotógrafo principal da prestixiosa revista Vogue.
Un total de 140 fotografías destas décadas compoñen a exposición, a incluír traballos inéditos e retratos de celebridades como Mick Jagger, Rudolf Nuréyev, Jean Shrimpton, Michael Caine ou Cecil Beaton. Como primeira actividade paralela ao proxecto, a modelo Penelope Tree e Catherine Bailey manterán este día 30 un encontro moderado por Tim Marlow, comisario da mostra. Este é a quinta grande exposición de fotografía que organiza a Fundación MOP na Coruña.
