O Tribunal Supremo condenou aos herdeiros do dictador Francisco Franco a devolver ao concello de Santiago de Compostela as dúas estatuas de Abraham e Isaac orixinalmente situadas no Pórtico da Gloria e atribuidas ao Mestre Mateo. A traxectoria xudicial da demanda do concello compostelán, iniciada durante a alcaldía de Martiño Noriega, non fora positiva ata o momento. A entidade municipal sostiña que as pezas foran adquiridas en 1948 ao conde de Ximonde e que foran levadas sen acordo por parte de Francisco Franco. Para o Tribunal Supremo "produciuse un erro patente na valoración da proba" e a identificación das estatuas reivindicadas é "clara, e despréndese sen lugar a dúbidas dos documentos achegados e do informe pericial emitido sen posibilidade de dúbida".
