O pasado venres 6 o Arquivo de Galicia, situado na Cidade da Cultura en Santiago de Compostela, abrÃa con esta ocasión a mostra Educando a mirada. Leccións de Arte e Deseño. O proxecto, segundo sinala a Xunta pon en valor "a actividade entre a segunda década do século XIX e mediados do século XX de dúas institucións comprometidas coa formación de artistas e artesáns en Santiago de Compostela, como son a Real Sociedade de Amigos do PaÃs e a Escola de Artes e Oficios". A proposta compleméntase con xornadas de portas abertas entre os dÃas 9 e 13 de xuño.
O Arquivo Histórico Provincial de Ourense, á súa vez, acolle a partir do dÃa 10 a exposición Castelao: 75 cabodano, que percorre a traxectoria e as diferentes facetas do rianxeiro a partir de traballos e documentación dos fondos deste arquivo. Ademais, o centro acollerá unha conferencia a cargo do catedrático Afonso Vázquez MonxardÃn, sobre os vencellos de Castelao coa Cidade das Burgas, e mais visitas guiadas e teatralizadas para centros escolares.
En Lugo será o dÃa 23 cando o Arquivo Histórico Provincial inaugure O gabinete fotográfico de Constantino RodrÃguez. Esta compilación amosará máis de 200 imaxes antigas que compilan retratos, vistas da cidade e imaxes de oficios e que se acompañará dunha publicación especÃfica.
Pola súa banda, o Arquivo do Reino de Galicia difundirá ao longo de todo o mes un podcast e diferentes vÃdeos divulgativos a dar a coñecer a súa actividade e diferentes curiosidades sobre os seus fondos. Ademais, as redes sociais do centro acollerán un calendario de efemérides vencellado co 250 aniversario da creación deste arquivo e cos 70 anos da inauguración das instalacións no edificio actual, e publicará tamén un informe que permitirá ver a evolución e situación actual do Arquivo do Reino de Galicia desde os seus inicios ata a actualidade.
