Os arquivos celebran o seu día cun intenso programa de actividades

Baixo o lema Arquivos: gobernanza, memoria e patrimonio este 9 de xuño se celebra o Día Internacional dos Arguivos. A conmemorar a data, os centros deste tipo de toda Galicia preparan un intenso programa de actividades para todos os públicos. Segundo anuncia a Consellaría de Cultura, o Arquivo de Galicia da Cidade da Cultura amosará unha selección de documentos "que reflicten diferentes accións de goberno nos ámbitos da educación, o desenvolvemento económico, a saúde pública ou a participación cidadá" e que se suma á exposición xa en marcha sobre Santiago. Protección e Transformación. Pola súa banda, no coruñés Arquivo do Reino de Galicia impartiranse obradoiros de encadernación de paleografís ou conservación de fotografía. Ademais, porase en marcha a exposición virtual O urbanismo a través dos arquivos, "que analiza os procesos de construción, destrución e memoria inherentes á propia natureza dos arquivos", segundo explica a Consellaría de Cultura.

O Arquivo de Ourense, pola súa banda, centra nas visitas teatralizadas, orientadas a centros de ensinio da cidade as súas propostas de conmemoración, mentres en Lugo unha conferencia e unha publicación abordarán o fenómeno histórico das patentes de corsos na na Mariña Cantábrica. Todas as actividades están detalladas no web Arquivos de Galicia.